Alcoholics Anonymous:

“Alcoholics Anonymous” Konn? Bebdyank Somzun Ghe! “Alcoholism” Mhonnche Kitem? Bebdikay ek pidda-rog, ti unni korum vo thamboum yeta, ponn ti sarkich bori korum nozo, oxem “American Medical Asociation” (Amerikani Voyzuki Sonvstha) vollkhun gheta. Ek bebdikayechem lokxonn mhollyar agpanni (alcohol, aguardente) vhodd promannan piyevpachi odd-ani-tan. Bebdo piyet ravot, zalyar hi pidda paxtt zayt veta. Ticher thambo ghalina, zalyar ti motthyar poddta ani pisay vo moronn haddta. Bebdikayecher thambo ghalunk ekoch upay mhollyar sarkench piyevpachem bond korop. Khup vorsam piyevpachem soddun diun poryant, bebdyamni novyan piyevunk favona, kityak bebdikay ek jivitak togta tosli pidda, oxi zannaranchi mhonn’nni asa. Azkal sobhar bebdikayecho ilaz korunk khup pod’doti ani upay asat. “Alcoholics Anonymous” mhollyar soglyanche vollkhicho upay, ani ek gunnkari (efficacious) upay mhonn manun ghetat. Bhorvanso asa bebdikay tambounk, zor tor bebdyancho ilaz korit zalyar. Bebde Konn? Jin’sanvar toranche bebde asat: nenntte ani zanntte, grest ani durboll, xiklele ani oxikxit, nokri aslole ani karkhanyamni vaurtele, ghorkan’nyo ani avoyo, onath, soddun dil’le (derelicts). Fokt tin tem panch tok’ke bebde eksure asat, bakichyank kuttumbam, ixtt-mitr ani nokryo asat, ani bore baxen vaurtat, ponn tanche bebdikayek lagun tanchya vavrak mar bosta. Tanchem kuttumbik jivit, somajik jivit vo tanchi nokri bigoddtat. Sogttyank mar bosta. Bebdikayek lagun bebdyank khup prosn upzotat sodanch ani vhodda promannan soglya jivitachya mollanr. Bebde Kityak Piyetat? Te pietat kityak sorya xivay tanchyamni jiyeum nozo mhonn te som’zotat, tankam soro tenko koso zay. Tankam prosn asat vo dukh’k bhogta, tim poysavunk sodtat. Tankam udasponn (depression) asta, niraxa (despair) vosta, fosovnni-harovnni (frustration) bhogta. Tankam itli sonvoy zata ki tancheamni sorya viret jiyeum nozo. Ti ek goroz, ek pixem (obsession) zata. Bebde soro soddunk sodtat, ten’na tankam prosn upzotat: Sorya-bebdikayek “na” mhonnun tankam zaite prosn astat: him lokxonnam astat (hangover problems). Ponn te novyan soro piyeunk lagtat, kityak tankam zom’zall (tension) poysavunk ekoch upay-so dista, haka “addiction” (vyason-khodd) mhonntat. Khup agpannik lobhdolole somajik piyevpi (social drinkers) zaunk sodtat. Te khup proyotn kortat soro unno korunk, dusryam bhaxen piyevunk ani somajik piyevpi zaunk, ponn hem zomona, kityak satollyant ek pavtt vo thoddem kitem piyevunk sodit, ponn hem vyason thambounk tanche kodde zayna. Te bebdikayen ghustat, jen’na te soro soddunk bhasaytat. Haka “compulsion” (zulum’) mhonntat. Oslya rogyank ek gunn asa: te aponn piddek sampoddlyat mhonn kodinch te manun gheynant, man’nya korinant. Haka “denial” (nhoykar) mhonntat. Te soddunk sodtat, ponn ovghodd tankam lagta. Zor tor te adarachi goroz asa mhonn manun gheit zalyar, tankam bhorvanso astolo. Tanchech vostukim tancheamni hem vyason bond korunk zaunchemna mhonn tanni manun gheunk zay. AMKANCH SOM’ZUN GHEUM-YA Kuttumbam ani Ixtt-mitr Dukh’k Bhogtat Soro-bebdikay ek kuttumbik pidda (family disease). Soddunk zayna, tosli bebdikay nhoych bebdyak bogor tanchya soyryam-dayryank probhav ghalta. Ixtt, nokryo, bhurgim, bapuyponn, mog ani logn,–soryak lagun soglyank mar bosta. Bhovkorn lagxilya soyryank odik mar bosta. Ami mog kortat, te bebdikayek sampoddtat, ten’na amkam odik tras bhogtat. Tem amcheamni sosunk zayna. Soro soddunk zayna mhonn ami thambo ghalunk sodtat. Bhovxik nattkam poysavunk ami ghorant upay ghetat. Ten’na ami gunyanv amcher ghetat, ghaye (hurts) ani bhrant amcher thapoytat. Ami-y piddek sampoddtat. Bebdikay thambounk ami proyotn kortat: to kitle pavtthim piyeta, khoym soro lipoyta, to ken’na piyeta, to ken’na soryagadyent (tavern) veta. Hi tachi soglich dhasti kaddun, amich piddek sampoddtat. Monis bebdikayek sampddon aploch jiv vibaddta ani vhodd luskonn haddta mhonn amkam dukh’k bhogta. Bebdyank kaynch poddlelem na: kitle poyxe soryak moddunk zay, nokri soddun diunk zay, bholayki bigddon veta, bhurgym rostyar pavlyam, hem soglem chin’tun borim mon’xam zom’zallak (anxiety) sampoddtat. Hem fudde veta mhonn dusryank magir rag (anger) yeta. Bebdo fottincho ras korta, amcho goyr-vapor korta, ani apli zobabdari manun gheina, ten’na bebdo amcho mog korina mhonn amkam thavem zata. Khupdam ami taka kheast lavunk sodtat, vaytt korunk ani tannem amkam vaytt kelam tem pollevun, amkam rag yeta. Khupdam lagxile magir bebdya kodde khell khellunk lagtat. To bhasayta, tem ami manun ghetat, ami tacher visvas dovortat. Ken’na-y to soro piyenastona ravta. Thoddo kall to piyena, ani tannem soro soddun dilo mhonn ani prosn suttavo zalo mhonn ami som’zotat. Amchi somjikay-ok’kol (good sense) amkam sangta ki hem sarkem tharyar poddunk na mhonnun, ten’na ami amchim bhavnnam lipoun dovortat, ami nhoykar (denial) ditat. Odik vaytt yeta, jen’na tachya bebdiponnachi zobabdari amkam asa mhonn ami som’zotat. Ami kitem kelam vo korunk na, dekhun amkam vaytt zalam, amim taka borem korunk na, taka amche sovem boreponn mellunk na, vo amim choturayen taka uzvadd ani margdorxonn diunk na, hem soglem amkam khata. Tacho mog amim kela, ponn taka hya prosnant adar diunk na. Dekhun ami gunyanvkari (guilty) mhonn som’zotat. Adar ani Bhorvanso: Ami Al-Non-acho adar magunk aylyat, nirxeponnim, tachem bodlop zatelem mhonn ravonastona, ani adim kelam toxem korunk zaynastona…Ami fosovtat, doya dakhoun, zobabdarichem vozonn gheun, mog nastona, ani eksurponnant. Thodde amche modle gorvixtt, urmott (arrogant), svota-khoxi (smug), svota-promannik (self-righteous), ani zobordost (dominating). Ami Al-Non –axim yetat, kityak amkam adar zay ani to amkam gorjecho. Konneklyache bebdikayek lagun ami aylyat, ponn tech borabor amchench chin’top sarkem zaunk na. Ami amchem mon bodlunk zay, amchem jivit amim odik yesasvi-zoytivont korunk. Al-Non-ant amchim bhavnnam bodlunk zay mhonn ami xiktat, ami dusryanchya onnbhovant vantto ghetat, dhir ani bhorvanso ghetat. Amchya mellavyamni amchem dhoronn amim bodlunk zay mhonn amkam gomon yeta. Amkam mogachim, sva-abru-man ani sva-obhiman(self-worth)-achim mulyam melltat, otmik toren ami vaddtat. Amchem mon bebdyavoilem voyr sorta ani amchech jivitacher ani karyacher oddon veta. Prostavona Al-Non-achya Bara Pavlank: Al-Non Family Groups mhollyar ekchar soyryam-ixttancho. Soglim bebdyachya prosnamni vantto ghetat ani husko kortat, taka adar ani suttka diunk vaurtat. Tache prosn suttave korunk sodtat. Bebdikay ek kutthumbik prosn, ani amchem dhoronn ani mon’vrut’ti (mentality) bodlun, ho prosn suttavo korum-yeta. An-Non Sonvstha rajki vo dharmik sonvstha nhoy, dusryam kodde virodh-zhogddim korina. Duddvanchi bangodd na, kor (fees) na, Al-Non Sonvstha aplyach payancher ubi ravunk xokta, vangddyanchya poyxeamni fudde veta, cholta, khorch korta. Tachech vangddi ful-na-pakli ditat. Al-Non-achop hetu mhollyar agpannichya vyasnant ghuslolyanchya kuttumbank adar diunk, Al-Non bara kolm’ veavharant ghalta. Agpanni-koydyanchya soyryank ami buzvonn ditat, ani bebdikayek sampoddlolyank somoz ani ut’tejon ditat. Pott’e: Al-Anon Information Service, 5A, Bompas Road, Kolkata-700 029, West Bengal Phone (91) 033 2465-9913 (Office) 9831826350 Dis ani Vell: Som’var tem Son’var (11 sokallim tem 5 sanje)

Etiquetas: , , ,

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s


%d bloggers like this: