Pri.Agnelo De Sousa

Pri. Agnelo de Sousa: Devacho Monis
*Dr. Ivo da C.Souza


Provochonkar:

Pri. Agnelachem nanv ek bhagivont ani khoddegantt provochonkar koso vistarlem. To sermanv, retir/ekantay, misanv ditalo. Tachem utrachem muniariponn, 1908 tem 1927 porian, ak’khea Gõyam, dor eke firgojent zalem. To aplo jiv Devachea Utrak dita, xekim to Jezuchea Kallzachea Vespra disa, Raiturche Sim’narint bolli zata. To provochonkar koso melo – tache sermanv agtteachim kitt’tam koxim. To apleam utramnim lokachim kallzam movallaytalo. To magnnea vorvim apli toyari kortalo. To Kongotte sobar pavtti sermanvak vetalo – tachi bhoinn Adamantina Elisa  Grasmilda Magalhães de  Sousa, João Lourenço de Sousa-a lagim logn zavn, thoimsor Umttavaddeant asli, bhou korun Lourdes Saibinniche porbek to vetalo. Mhojea bapayn, Bernardino da Conceição Souza, tacho sermanv aikun oso dila: “Bhavamno, tumi rabonakat ki dusro vaurtolo mhunn tumche pasot hea sonvsarant ani tumkam vhortolo mhunn sorgar. Vortouta pisay, bhavamno, pisay. Apnnem vavronk zay sorgincho mukutt zoddcheak”.Tacho tallo eka xinva porim goroddtalo. Mornnachi ani nimanne zoddtechi khobor to vhoddlea tallean sangtalo. Punn prachit-sonvskarant to ek xant menddro koso. “Pulputrar ami kharvi koxe – ami udok zanntun martanv ani maslli zallent ghaltanv; punn prachit-sonvskarant ami ti punzaytanv”.
Taka Povitr Sonvskarachem, Jezuchea Povitr Kallzachem, Dukhest Ankvar Mariechem ani Rakhnnea-Dutachem bhoktiponn aslem.
Atmik Guruji:
Pri. Agnelak Raiturche Sim’narint Otmik Guruji mhonn Maiache 20ver, 1918 vorsa nem’lo. Tednam to Sanvordechea Misanvant aslo.  To sodanch khalti, magnneacho monis, pox’chatapacho monis, bhagivont. To bhurgeancho ixtt ani nomuno aslo. Soglle tachem utor aikotale, kiteak to xikoytalo tem apunn vevharant ghaltalo.

Bhavartacho ani Mogacho Monis:
Pri.Agnelo bhavartacho monis aslo. Sorv ghodditamnim to “Devachem bott” polletalo.  To sadeponnim jiyelo, punn tachem jivit mogachem git zalem. Tachem ghor thoim ozun-ui asa. Pilar Sonvstheche Iadnik thoimsor gonvllik vavr kortat. To soglleank mogan vagoytalo. To bebdeank porian bore toren ghetalo. Tanchi sonvstha togteli vo nam, oslo dubav tanchea vangddeam modim aslo, tednam Pri.Agnelan oxem tankam mhonnlem: “Bhiyeum nakat! Sonvstha sompchinam. Devachem bott thoimsor asa!”.

Mogall ani Doyall: Anglottin barik, bholaiken osokt, aple dolle zom’nir lavn, thoddem jevun, punn Padri Agnel taka polletat vo mellunk yetat, tancher boro probhav kortalo. To sado-sudo, lhan’vik, palok, sobhavan to ghott aslo. Devachea molleant, sogllech “unworthy servants” (polle Lk 17:10), oxem to somzotalo. Devachea hajirponnant to jiyetalo, mogan to vaddtalo. To oxem mhonntalo:
“ Amcho xevott amkam mellche khatir ami bhagivont zavnk zay!”. “Devacher visvas dhorat eka sunnea bhaxen tachea dhoniachea payamxim”. “Ami amcheam vhoddilank man divnk zay, te lankddache porian zalear.” “Dusre amchi tik’ka kortat, dekhun ami borem korpachem soddunk favonam.”

Sompadnni: Sorvxevtttim, Pri.Agnel altarachea manak pois nam, oxem ami somzotat. Khub vizmitam zatat, tim Devachea asnneachi khunna. Tacheam panvlamnim ami cholum-ia, tachi vatt ami amcheam gunnam ani apovnnea pormannem dhorum-ia, amchi veakti sudarum-ia, Devak man’ta toslim mon’xam ami zaum-ia, Xubhvortomana-chim mul’liam chalint ghalum-ia: bhavart ani mog.
*Pri.Ivo da C.Souza-an Povitr Pustok ani Somazxastr Raiturche Sim’narint 27 vorsam xikoilam. Atam to Povitr Atmeache Firgojent, Moddganv vavr korta.

Etiquetas: , , ,

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s


%d bloggers like this: